Aikor! aldizkariaren azken alea inprentatik etorri berria da. Ohiko atalez gainera, bertan topatuko duzu institutuko ikasleek egindako proposamena: Juana Elgezabal derioztarrari herriko kale bat eskaintzea. Era berean, Aitor Elizegi Athleticeko presidente ohiari egindako elkarrizketa irakurri ahalko duzu, baita Zamudioko Pazko jaietan martxan ipinitako Brigada Feministaren buruzko artikulua ere.
Hil honetako ibilbide-proposamenaren eskutik inguruko elur-zuloak ezagutuko dituzu, eta Itziar Mateosen, Pilar Gastañagaren eta Juan Ignacio Oruen ahotik jakingo duzu Loiuko aireportuak herritarrengan izan duen eragina zein den. Azkenik, Larrabetzuko eta Lezamako jaien zehetasunak topatuko dituzu orrialdeetan, ezer ez galtzeko. Edozein gai proposatu nahi izanez gero, ipini gurekin harremanetan. Bitartean, uda on eta irailera arte!
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).