Bihar, barikuan, 19:30ean, Gorka Aginagalde komikoak umorezko bakarrizketa egingo du Magalarte Zamudio upategian. Era berean, zapatuan, saio bi egongo dira: bata, 10:30ean, Magalarte Lezama upategian, Asier Kidam magoaren eskutik; eta bestea, 19:00etan, Larrabetzun, Gorka Izagirre upategian, Ainhoa Arroitajauregi musikariaren eta Amak musika-taldearen eskutik. Asteburua biribiltzeko, domekan, 10:30ean, ibilaldia eta dastaketa egingo dira Artxanda Txakoli tabernan, Sondikan. Aipatutako ekintza guztietarako sarrerak agortuta daude.
Hala ere, domekan aukera egongo da beste ekitaldi bitara joateko. 11:30ean, yoga-saioa eta piknika emango dira Magalarte Zamudio upategian; halaber, 12:30etik aurrera, Satte Groove dj-ak goiza girotuko du Magalarte Lezama upategian. Sarrerak 15 euro balio ditu ekintza bietarako.
Horrez gain, asteburuan, Txorierriko 22 tabernak eta jatetxek pintxo lehiaketa egingo dute eta txakolin sorta eta esperientzia enogastronomikoen zozketan sartzeko aukera eskainiko dute.
Informazioa:
946 076 071
Sarrerak:
www.uribe.eus/ms/