Bigarren partidan, gazte kategorian, Zabaleta-Leonet oiartzunarrek 22 eta 8 irabazi zioten Ibarloza-Calvo bikote markinarrari. Emaitzak erakutsi zuen bezala, gipuzkoarrak erraz nagusitu ziren: Leonet kontrolpean izan zuen partida; eta Zabaletak maisutasunez bukatu zituen tantoak.
Barikuan, Lezamako Eskualde Pilota txapelketaren bigarren jardunaldia egin zen. Senior kategorian, Edorta Bilbao zamudioztarrak eta Labaka tolosarrak 22 eta 18 irabazi zieten Aurrekoetxea eta Egaña lemoarrei. Partida oso gogorra eta bizia izan zen. Bilbaok eta Labakak, faboritoek, aurrea hartu zuten eta erraza izango zela eman zuen, baina Aurrekoetxeak maila altua erakutsi zuen, eta azken txanpan emaitzari buelta emateko zorian ibili zen. Hala ere, Bilbaok ez zuen akatsik egin eta seriotasunez jokatu zuen; eta horri esker, garaipena lortu.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).