Egun horretan ere, abenduak 17an, saioa egongo da Derioko San Isidro elizan eta Lezamako Andra Mari elizan. Derioko saioa 20:00etatik aurrera egingo da eta hauek dira kontzertua egingo dutenak: Ipar Alde abesbatzak (Derio), Bleibet abesbatzak (Artziniega) eta Kirikiño abesbatzak (Mañaria). Lezamako emanaldia, bestalde, 20:00etan hasiko da hauen eskutik: Ekidazu abesbatza (Lezama), Deustoarrak abesbatza eta Jatorki abesbatza (Bilbo).
Sondikan abenduaren 23rako antolatu dute saioa, 20:00etan, San Joan elizan. Kontzertu horretan parte hartuko dute Txuma Olagüe abesbatzak, Olagüe koruak (biak, Sondikakoak) eta Santurtziko Ahots Zuriak abesbatzak. Azken saioa Larrabetzuko Andra Mari elizan izango da abenduaren 29an, 19:00etan, eta emanaldi horretan Txorierriko abesbatza guztiak arituko dira: Txuma Olagüe abesbatza, Olagüe korala, Ipar Alde, Ekidazu, Zamudioko Kamara Korala eta Gaztelumendi.