Aulki hutsak

Gabonak kontraesanez beteriko datak dira; familian biltzeko garaia da, urruti bizi diren senideak edo lagunak berriro topatzekoa… Inguratzen gaituen guztiak, elkartu, batuta egon, ospatu eta banatzeko gonbita luzatzen digu. Sentimenduak erabat nahastu egiten dira eta benetan oso nahastuta egon gaitezke. Askotan geure buruari galdetzen diogu: zer ospatu dezaket, maitatzen dudan pertsona hori ez dagoenean? Sarritan ez dakigu ondo nola asmatu, zer den egokiena besteak ez baldintzatzeko nire tristeziarekin.

Beharbada dagoeneko entzunak dituzue horren inguruko aholkuak eta azpimarratu behar da norbere burua epaitu beharrean, ahal dena egingo dela. Egiten duzuena egiten duzuela, kontzientziaz egin, alde eta kontrako puntuak baloratu eta etxekoen artean erabakiak hartu honako puntuak kontuan edukiz:

  • Erlatibizatzen ikasi: sentimenduak hainbeste presiorik gabe kudeatu eta bideratu; horrela, pixkanaka lortuko duzu izaera neutralagoa hartzea eta garrantzi gutxiago izatea, maila emozionalean eragin txikiagoa izan dezaten.
  • Zure asertibitatea landu: beharrezko mugak ezartzea da helburua. Lehentasunik handiena zure osasun fisikoa eta mentala babestea izan behar da, maite zaituztenek beti ulertuko dute. Beraz, Gabonek zure bizitza kontrolatzea saihestu behar da, zuk zeuk kudeatu dezakezu zuk nahi duzun bezala.
  • Itxaropenak murriztu: Gabonetan emozioak guztientzat zoriontsuak izan behar direlako ustea saihestuz. Gakoa ahalik eta ondoen egokitzea da, une bakoitzean dituzun behar emozionalak errespetatuz, gizartean planteatzen diren itxaropenak lortu ezinak izan ahal dira.

Zure emozioei tokia eman eta denak maitasunez jaso, tristura, mina, haserrea… normalak dira, baina baita alaitasuna, poza eta itxaropena bezalako emozioak ere. Kontuan izan aulki hutsengatik negar egin dezakegun arren, okupatuek gure irribarrea merezi dutela.

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).