Gabonak pasatuta, Txorierriko Baserri Antzokiaren kudeatzaileek azterketa egin dute bertan egindako ekintzei buruz. Jakinarazi dutenez, Gabon Zaharreko jaia ekintzarik jendetsuena eta arrakastatsuena izan da, zalantza barik. “Guztira 450 sarrera ipini ziren salgai eta Gabon Zaharra baino hiru aste lehenago agortu ziren. Gainera, kanpoaldean barra ipini zen eta bertan 100 pertsona inguru batu ziren”.
Esandakoaren arabera, Baserri Antzokian batez ere gazteak bildu ziren, Txorierrikoak eta 25 urtetik beherakoak. “Oso portaera eredugarria izan zuten eta ez zen liskarrik egon. Oso giro polita izan zen gau osoan”. Izan ere, Baserri Antzokiak oso jai erakargarria antolatu zuen urte berria ospatzeko. Horrela, hara bertaratu zirenak Munza eta Eraso dj-en musikaz eta Show Party ikuskizunaz gozatu ziren giro atseginean eta euskaldunean.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).