Gazte Mailan, beste partida gogor eta ikusgarri bat jokatu zen, baita luzea ere. Azkenean, Sasiain zestoarrak eta Bullon zornotzarrak 22 eta 12 irabazi zieten Zabaleta-Leonet oiartzuarrei. Hasieran, partida orekatua izan zen, baina 12. tantotik aurrera Sasiainek eta Bullonek argi eta garbi lortu zuten garaipena.
Bilbao lezamarra nagusitu zen Eskualde Txapelketan
Lehengo barikuan, Lezamako Eskualde txapelketaren final-laurdenetako beste jardunaldi bat egin zen. Lehenengo Mailan, Labaka tolosarrak eta Bilbao lezamarrak 22 eta 15 irabazi zieten Irribarria aramarrari eta Oliden oriotarrari. Partida oso gogorra izan zen eta Irribarriak maila handia erakutsi zuen. Hala ere, Labaka jaun eta jabe ibili zen eta Bilbaok izugarrizko laguntza eman zion. Partida ikusgarria izan zen.