Sarritan etxean eta herrian erabiltzen ditugun berba batzuk baztertu egiten ditugu, euskara baturako egokiak ez direlakoan. Globalizazioa hizkuntzara ere heldu denez, telebistan, liburuetan edo ezagunei ikasitakoak barra-barra darabiltzagu, geure-geureak diren hitz eder asko ahazteraino. Berdintze horrek kolorea kentzen dio euskarari, eta arriskutsuagoa den zerbait ekar dezake: norberaren berbaera duina eta zuzena ez delako sentsazioa.
Esate baterako, dagoeneko txorierritar askok batuan jardutean azkar eta bizkor esaten dute, eta, kasurik onenean, ume-umetatik erabilitako arin etxerako uzten dute. Txorierrin, mendebalde gehienean lez, arin da forma nagusia.
Ekialderantz eginda bizkor ere entzungo dugu Eibar inguruan; agudo darabilte hainbat gipuzkoar eta nafarrek. Gipuzkoan, dena dela, azkar hitza gailentzen da. Eta, amaitzeko, Ipar Euskal Herrian fite eta zalu berbak darabiltzate.
Ondo dago hango eta hemengo hitzak ere ezagutzea, literaturaz gozatzeko, hizkuntzarekin olgatzeko edo Mihiluze txapelketan parte hartzeko, baina geure berbak ahaztu barik.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).