Euren esanetan, Hezkuntza Legearen zirriborroak ez du kultur hezkuntza edota hezkuntza artistikoa funtsezko ardaztzat eta jakingaitzat jotzen, eta zirriborroan testuinguru eta kokapen orokorra egiten denean, ez dago euskararen eta bere kulturaren egoera diglosikoaren inguruko aipurik. Era berean, adierazi dute helburuetan ez dagoela euskal kulturari espresuki uztarturikorik, eta ez dagoela euskal kulturaren transmisioa eta ezagutza bermatzeko erakunderik edo funtzio iraunkorrik.
Kanpaina 21 kultura-eragilek ipini dute martxan, eta haien artean daude Ahotsenea, Bertsozale Elkartea, Elkar Fundazioa, Euskal Idazleen Elkartea, Euskaltzaleen Topagunea, Hik Hasi eta Jakin. Informazio gehiagorako: www.kulturgintzan.eus.