Prestatzeko era:
Kipula zuritu, eta txikituko dugu. Zartagin batean olio apur bat ipini, eta bertan kipula egingo dugu, su motelean 10-15 minutuan. Egiten den bitartean, tiratan ebakiko dugu izokina. Kipula eginda dagoenean, esnegaina gehituko dugu, eta limoi-ur apur bat. Gatza eta piperbeltza botako ditugu, eta minutu pare batean izango dugu sutan, harik eta nahasia loditzen hasten den arte. Sua amatatu, eta gehituko ditugu izokina, limoi-ur apur bat eta ezkai-hosto batzuk (txikituta); saltsa gordeko dugu. Zainzuriak xukatu, eta zartagin batean egingo ditugu olio apur batean. Alde bietatik gorrituko ditugu minutu batean. Zainzuriak plateretan banatuko ditugu eta saltsa botako diegu gainetik, kimuek lagunduta.