Euskal Herriko Gurasoen Elkarteak (EHIGE) eta STR musika-taldeak Jagon kantaren bideoklipa aurkeztu dute gaur Bilbon, EITBren egoitzan. Jagon abestiaren helburuak dira euskara sustatzea eta Euskal Eskola Publikoaren aldeko jaia animatzea. “Eskolan eta eskolatik haratago sortzen diren harremanak eta hezkuntza publikoaren zaintza zein sustapena nabarmendu nahi ditu abestiak”, azaldu dute. “Inoiz baino gehiago da beharrezkoa euskarekin eta euskarazko hezkuntzarekin zerikusia duten ekintzak bultzatu eta ikusgarri egitea”. Euskal Eskola Publikoaren Jaia ekainaren 4an izango da Mungian.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).