Umetan elkarrekin jokatu dute Lezamako Pilota Klubean, baina oraingo honetan arerioak izan dira. Aimar Uriarte sondizkotarrak Urko Bullonekin (Lagun Onak) jokatu zuen eta Aimar Busket lezamarrak, Aner Iglesiasekin (Upo Mendi). Partida polita izan zen, orekatua. Bullonek aurrea hartu zion Busketi atzeko aldean eta hori erabakigarria izan zen. Uriartek eta Bullonek 22 eta 17 irabazi zuten. Frontoian giro ederra egon zen, bertan 400 zale batu zirelako.
Bestetik, senior kategorian, Unax Riolek (Izarra) eta Mikel Arangurenek (Eple) 22 eta 11 irabazi zieten Gaizka Carregali (Adiskide) eta Jokin Bartureni (Izarra). Riolek azkar jokatu zuen eta txapelketaren pilotaririk onena izendatu zuten.