Amaia Antxustegi Iraunkortasuna eta Ingurune Naturala Zaintzeko diputatuak azpimarratu zuen zerbitzuak gero eta hobeak izaten saiatzen direla. “Bainu lagunduaren zerbitzua zabaldu izanak mugikortasunean eta autonomia pertsonalean mugak dituzten pertsonekin hartutako konpromisoari erantzun dio. Gure hondartzetan ematen ditugun zerbitzuak etengabe hobetzeko egiten dugu lan. Bikaintasuna bilatzen dugu beti, eta hori nabari da hondartzetako erabiltzaileek zerbitzu horiei buruz egiten duten balorazioan”, esan du. Izan ere, iaz, erabiltzaileek 8,16 puntu eman zizkioten zerbitzuari.
Aldundiak hainbat ekipamendu jarri ditu aurten hondartzetan: 85 dutxa (333 ihinztagailu), 76 iturri, desgaitasuna dutenentzako 7 iturri eta bi eserleku; 367 parrilla-plataforma; eta 2.049 metroko egurrezko pasabidea. Gainera, 269 pertsona ibiliko dira hondartzetan lanean: 101, garbitzaileak izango dira eta horiek hainbat tresna erabiliko dituzte: 11 makina handi, 3 kamioi, 2 furgoneta, 12 traktore, 3 ekortzeko makina... Bestetik, gainerako 168 sorosleak eta hondartzainak izango dira. Langile horiek 13 itsasontzi, 8 ur-motor, 13 buggy, 3 quad, petrolio-gas likidotuko 4 lur orotako ibilgailu, 11 turismo izango dituzte eskura; baita desfibriladore erdiautomatikoak, glukometroak, pulsioximetroak eta ohatilak ere