Necolek eta Trannoyk 3 eta 2 irabazi zuten. Finalistek lehenengo jokoa (10 eta 8) irabazi zituzten, baita hirugarrena (10 eta 5) eta bosgarrena (10 eta 7) ere; eta del Riok eta Fustok, bigarrena (10 eta 5) eta laugarrena (10 eta 6). Beste finalerdian, Gauekak eta Gordonek emaitza bera lortu zuten, 3 eta 2, Madariaga eta Urrutia kanporatzeko.
Finala, beraz, Gaubekak eta Gordonek jokatuko dute Necolen eta Trannoyren kontra. Jaialdia barikuan, ekainak 9, 17:30ean, egingo da Bizkaia frontoian, eta, finala jokatu baino lehen, galtzaileak ere euren artean sartuko dira lehian hirugarren eta laugarren postua erabakitzeko: Fusto-del Rio Madariaga-Urrutia bikotearen kontra. Sarrerak leihatilan erosi ahal izango dira frontoian bertan. Lehenengo sarrerak 10 euro balioko du; bigarrenak, 5 euro; eta hirugarrena doakoa izango da. Innpala enpresa antolatzaileak partidak girotuko ditu: musika izango da entzungai eta kamisetak zozkatuko dira.