Baserri Antzokitik abiatuta, ibilbide historikoa eta kulturala egingo da 11:00etan. Ondoren, 13:00etan, ongietorria egingo zaie parte-hartzaileei Baserri Antzokian, eta lehen bertso-saioa izango da. Bazkaria 15:00etan izango da eta haren ondoren ere egongo da bertso-saioa, bertso-paperak eta abarreko ekintzak.
Bertsolarien eta bertsozaleen topaketa Antzuolan egin zen lehen aldiz duela zenbait urte; gero, Zumaian eta Zerainen, eta aurten Derion izango da, Txorierriko Baserri Antzokian, hain zuzen. Datu bat ematearren: iaz hainbat belaunalditako 90 lagun batu ziren Zerainen; beraz, espero da Baserri Antzokian ere bertso-giro polita egotea. Informazio gehiagorako, telefono-zenbaki hauetara jo daiteke: 672 078 004 (Asier) eta 634 401 580 (Iratxe).