Auziak eragina du Loiutik Sondikako eskolara autobusez joaten diren 38 umeengan; herriko auzoetatik Lezamako eskolara joaten diren 40 umeengan; eta Morgatik eta Goikoelexaldetik Larrabetzuko eskolara joaten diren 24 umeengan. Institutuari dagokionez, bertan zazpi lineak eskaintzen dute garraio-zerbitzua eta momentu honetan bakarrik hiru dabiltza zerbitzua ematen: B9949 – Larrabetzu – Lezama – Zamudio; B9914 – Sondika; eta B9916 – Sondika (Gorondaganetik). Zerbitzua ematen ez duten lineak hauek dira: B9981 – Morga – Larrabetzu; B9950 – Lezama; B9986 – Loiu – Sondika; eta B9915 – Zamudio. Institutuaren kasuan, Derrigorrezko Bigarren Hezkuntzako 200 ikasle inguru daude autobus-zerbitzu barik.
Ikastetxeek jakinarazi dutenez, ez dute Hezkuntza Sailetik berririk izan, eta ez dakite arazoa noiz konponduko den. Bitartean, haserrea nagusi da familien artean, eta ikasle bakoitza ahal duen moduan hurbiltzen da eskolara, esaterako, autoan edo garraio publikoan. Guraso batzuk ere antolatu dira seme-alabak eskolara txandaka eramateko.