“Hezkuntzak euskara gehiago behar du” sinadura-bilketa

Arabako, Bizkaiko eta Gipuzkoako Hezkuntza Lege berria prestatzen ari da, eta Euskalgintzaren Kontseiluak “Hezkuntzak euskara gehiago behar du” sinadura-bilketa ipini du martxan, “lege horretan eragiteaz gain, ikas-komunitatea aktibatu eta jendartean euskararen aldeko iritzia eta jarrera hedatzeko”. Horri lotuta, Eusko Legebiltzarreko kideei eskatu diete lege berriak hiru puntu hauek jasotzeko: euskara ikas- eta irakats-hizkuntza izango duen eredu orokortu inklusiboa, euskal kultura ardatz izango duen euskal curriculuma eta hezkuntza ez-arautua osorik euskaraz garatzea. Sinadura-bilketa urriaren 15era arte izango da zabalik hemen https://euskaragehiago.eus.