1.- Esterilizazioa
Nahitaezkoa izango da etxetik kanpo bizi den animalia oro esterilizatzea.
2.- Animalien berri ematea
Konpainiako animaliak dituzten pertsona guztiek beren jabetza jakinarazi eta maskota identifikatu beharko dute, kasuan kasuko agintariek animalia horien erregistro bat izan dezaten.
Txakurrak, katuak eta huroiak mikrotxip bidez identifikatu beharko dira, eta hegaztiak, berriz, eraztunez.
3.- Zaintza
Txakurren kasuan, 24 ordu baino gutxiago egon ahal izango dira ikuskapenik gabe, eta gainerakoak hiru egun baino ez.
4.- Salmenta
Lehen adierazi denez, animalia guztiak identifikatu beharko dira erregistratzeko, baina, horrez gain, txakurrak, katuak eta huroiak ezin izango dira denda espezializatuetan saldu.
5.- Animaliak haztea
Animalien hazkuntzak kontrol handiagoa izango du eta erregistratutako zaintzaileek eta profesionalek bakarrik egin ahal izango dute.
6.- Animaliak sakrifikatzea
Akabo sakrifizio bidegabeak. Soilik txosten medikoak baimenduko du animalia bat akabatzea.
7.- Txertaketa
Animalia guztiei beharrezkoak diren txertoak jarri beharko zaizkie. Adibidez, amorruaren aurkako txertoa.
8.- Txakur arriskutsuak
Txakur arriskutsuen zerrenda erabat desagertuko da. Txakurrak potentzialki arriskutsutzat hartzeko, banakako soziabilitate-azterketa egin beharko da aldez aurretik.
9.- Ikastaroak
Txakur bat izateko, ikastaro bat egin beharko da eta aseguru bat izan. Ehiza-, zaintza- eta lan-txakurrak dituzten pertsonak baino ez dira egongo salbuetsita.
10.- Isun berriak
Egindako delituaren larritasunaren arabera, zigorrik txikiena 500 euroko isuna izango da eta kasurik larrienetan urte erdiko espetxe-zigorra izateraino hel daiteke.