“Euskal kulturari bultzada emateko asmoz, Durangoko Azoka jendetsua eta aberatsa izatea da gure fantasia”, esan zuen Nerea Mujika Gerediaga elkarteko presidenteak. “Fantasia da sortzaile berrien ilusioa, liburuen usaina, diskoen kolorea, kulturzaleen irribarrea, boluntarioen lana, aspaldi ikusi gabeko lagunekin topatzea, sormen bakoitzaren istorioan dagoen magia, jende alaiaren berbaroa, bizigogoa, kulturaren beroa”. Informazio gehiago www.durangokoazoka.eus webgunean.
“Fantasia DA!” lelopean, Durangoko Azoka abenduaren 6tik 10era bitartean egingo da 58. aldiz. Atzo Gerediaga elkarteko ordezkariek azaldu zutenez, urriaren 15era arte zabalik egongo da egitarauari proposamenak egiteko aukera. Era berean, aurten aurrez aurreko azokaren aldeko apustu osoa egingo dute; hau da, ez da onileko azokarik egongo. Gainera, azoka amaituta, “Zu non, han DA!” ekimenari esker nobedadeak eskuragarri ipiniko dira Euskal Herriko hainbat liburu-dendatan.