Prestakuntza bereziki enpresa txiki eta ertainei (ETE) eta ikastetxeei dago zuzenduta; izan ere, digitalizazioan espezializatutako profil teknikoen eskaera handia dago, eta ETEek ez dute langileak arlo horretan trebatzeko baliabiderik. Ikastaroak sei prestakuntza-modulu ditu, modu independentean, online eta autoebaluazio-sistema baten bidez egin ahal direnak. Besteak beste, jorratzen dira teknologia digitalak, sensorika, big data, machine learning-a, zibersegurtasun industriala eta zeharkako gaitasunak. Horrezaz gainera, DTAMek ikasketa-plana zehaztu du, Europar Batasuneko teknikariak fabrikazio adimendunean tresna digitalak hedatzen trebatzeko. Metodologia zein prestakuntza daude ikastetxeen eta enpresen eskura, euren prestakuntza- eta berrikuntza-prozesuei laguntzeko.
Politeknika Txorierrik prestakuntza dagoeneko ezarri du programa hauetako ikasleen curriculumaren baitan: Industriaren Eraldaketa Digitala eta Telekomunikazio eta Informatika Sistemak. Azken programa horretako ikasleek, adibidez, Italiako ikasleekin batera sortu zuten industria-datuak jasotzeko sistema bat, eta datuen zibersegurtasuna landu.