Elixabete Etxanobe Bizkaiko Ahaldun Nagusiak eta Leixuri Arrizabalaga Euskara, Kultura eta Kirol diputatuak Bizkaiko Eskola Kirolaren 2023-2024 denboraldia aurkeztu zuten barikuan, urriak 6. Bizkaiak 8.119 leku eskaintzen ditu aurten, eta orotara 62 lehiaketa-jarduera eta 229 hastapen- eta jolas-ikastaro egongo dira. Izena ematea urriaren 23ra arte egin daiteke www.bizkaia.eus/eskolakirola webgunearen bidez. Iaz, 42.000 ikaslek baino gehiagok hartu zuten parte programan, eta aurten Foru Aldundiak 1.630.000 euro bideratuko ditu hara.
Bizkaiko Foru Aldundiaren helburua da ikasleen artean kirol-ohitura sortzea, hezkuntza-balio positiboak eta bizimodu osasungarria sustatuz. Horretarako, ikastetxeen eta kirol-kluben arteko lankidetza sustatzen du, eta kirol-eskaintza inklusiboa eta genero-berdintasunarekiko errespetuzkoa izango dela bermatu. Bestalde, saskibaloira, eskubaloira eta errugbira zabalduko da txartel beltzaren erabilera, hitzezko edo indarkeria fisikoa edo kiroltasunaren aurkako jarrerak zigortzeko.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).