Kontratazioak EGAZ Txorierriren eta Lanbideren laguntzarekin egingo dira, pertsona horien kualifikazioa eta lan-merkatuan duten posizionamendua indartzeko asmoz. Lan-eskaintzak informatikaren, administrazioaren eta herri-lanen arlokoak dira, eta kontratuek hiru hilabetetik 12 hilabetera bitartean iraungo dute eta gutxienez lanaldiaren %50ekoak izango dira. Kontratazioetara 288.785,45 euro zuzenduko dira: Lanbidek 132.685,30 euro ipiniko ditu; eta udalek, 156.100,15 euro.
Izena ematea gaurtik, urriak 16, hilaren 22ra arte egin daiteke Lanbideko webgunean www.lanbide.euskadi.eus edo 945 160 600 telefono-zenbakira deituta (EABA –ren marka beharrezkoa da). Halaber, parekatze automatikoaren sistemaren bidez, Lanbide zuzenean ere ipini daiteke harremanetan hautagaiekin. Bestalde, zalantzak argitzeko, EGAZ Txorierrira jo daiteke 09:00etatik 13:00etara: 944 536 370.
Prozesuan parte hartu ahal izateko, hautagaiek dagokien eremu geografikoan bizi behar dute, langabezian egon eta Lanbiden enplegu-eskatzaile gisa izena emanda egon. Gainera, 2022ko deialdian udal berberak kontratatu bazituen edo gazteak kontratatzeko 2014-2020 denboraldiko laguntzarik jaso izanez gero, ezin izango dute aurtengo deialdian parte hartu.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
