Euskalgintzaren Kontseiluak manifestaziora deitu du zapaturako, azaroak 4, “euskararen normalizazioaren aurkako oldarraldiari aurre egiteko”. Azaldu dutenez, “azkenaldian auzitegietatik areagotu egin dira euskararen sustapena eta normalizazioa helburu duten hainbat neurriren aurkako sententziak”; azkena EAEko Auzitegi Nagusiak eman du, Eusko Jaurlaritzaren 179/2019 dekretuaren hainbat artikulu baliogabetzen dituena; dekretu horrek Udal Legea garatzen du, eta hizkuntza ofizialen erabilera arautu. Manifestazioa 17:00etan irtengo da Euskaldunatik.
“Argi dago ez direla sententzia isolatuak, baizik eta botere judizialetik hizkuntza-politika aurrerakoiak mugatzeko eta herritarron hizkuntza-eskubideak murrizteko joera gorakorra: oldarraldi bat. Izan ere, sententzia guztien elementu komun bat dut: gazteleraren nagusitasuna ezartzea herritarron hizkuntza-eskubideen gainetik, eta beraz, oinarrizko eskubideen kaltetan”.
Deialdiarekin bat egin dute, besteak beste, erakundeek, sindikatu nagusiek, elkarteek eta Europako hizkuntza gutxituetako ordezkariek; eta gurean ere manifestazioan parte hartzeko deia egin die herritarrei Lezamako eta Larrabetzuko Udalek. Bestalde, Kulturbilguneak antolatuta, bihar, azaroak 1, talde-argazkia egingo da 19:00etan, Larrabetzuko plazan, ekimenari atxikimendua adierazteko.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
