Toti Martinez de Lezea idazle larrabetzuarrak Erein argitaletxearekin lan egiten du gaur egun; hala ere, aurretik beste argitaletxe batzuekin kaleratutako liburu asko agortuta daude eta irakurleek oraindik eskatzen dituzte. Hori dela eta, Ereinek eta Martinez de Lezeak bilduma berria sustatu zuten duela urte batzuk: Toti Martinez de Lezea Biblioteka. Bibliotekari gehitu dioten azken lana Mareas da, gaurtik aurrera eskuratu ahal dena.
Larrabetzuko idazleak euskal kostaldeko emakumeen memoria berreskuratu du Mareas liburuan, gure herriaren historian presente egon arren, haiei buruz gutxi idatzi da eta. Lana 35 kontakizunek osatzen dute, zeinetan, besteak beste, emakume hauek protagonistak baitira: ostalariak, esklaboak, alargunak, kontrabandistak, enpresariak, bortxatuak, sendalariak eta batelariak.
Dagoeneko bederatzi nobela batu dira Toti Martinez de Lezea Bibliotekan, eta haien artean daude Los hijos de Ogaiz, La herbolera eta El jardín de la oca.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
