Txorierriko mugimendu feministak auto-karabana antolatu zuen goizean eta horretan 60 autok baino gehiagok hartu zuen parte; auto-karabanaren ondorioz, trafikoa moteldu zen. Piketeak ere izan ziren eta Zamudion edukiontziak irauli ziren errepidean. Bestalde, auto-karabanak geldialdia egin zuen Sondikako eta Zamudioko zahar-egoitzetan eta hango langileei lore-sortak eman zizkieten elkartasuna adierazteko. Era berean, txistu egin zuten Txorierriko Zerbitzuen Mankomunitatearen egoitzaren aurrean, etxez etxeko laguntza-zerbitzuaren (SAD) langileen egoera salatzeko, haiei elkartasuna adierazteko, SAD zerbitzu-publikoa eskatzeko eta zaintzekin negoziorik ez egitea aldarrikatzeko. Ekitaldi nagusia Larrabetzun egin zuten. Bertan, hainbat lagun batu ziren elkarretaratzea egiteko; manifestazioa ere egin zuten zaintza-sistema publikoaren eta komunitarioaren alde.
Arratsaldean manifestazio jendetsua izan zen Bilbon. Euskal Herriko mugimendu feministaren kideen esanetan, egun historikoa izan zen atzokoa eta instituzioak premiatu zituzten sektoreen arteko mahaia osatzera zaintzen arazoari premiaz heltzeko.
Zaintza-sistema publikoaren eta komunitarioaren alde, kalera
Zaintza-sistema publikoaren eta komunitarioaren alde, kalera
Euskal Herriko mugimendu feministak deituta, greba feminista orokorra izan zen atzo zaintza-sistema publikoa eta komunitarioa aldarrikatzeko. Txorierrin ere eragina izan zuen deialdiak, batez ere hezkuntzan. . Txorierriko mugimendu feministak balorazio positiboa egin du. “Egin ditugun deialdietan jende askok parte hartu du eta gure errebindikazio guztiak Txorierriko enpresa, komertzio, taberna eta etxe guztietara heldu dira”.
Erlazionatuak
Zaintzak erdigunean
2023 abe 01 Txorierri
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).