EGAZ Txorierrik jakinarazi duenez, azaroan Orientazio Akademiko eta Profesionalaren Jardunaldia antolatu zuten eta bertan Txorierriko DBHko 4. mailako 30 ikasleren familiek hartu zuten parte. Ekintza Gaztedi Txorierri programaren baitan egin zen, eta helburua da parte-hartzaileei gaur egun dauden formakuntza- eta enplegu-aukeren berri ematea, erabakiak hartzen laguntzeko.
Jardunaldian izan ziren Alex Loustaunau, EGAZ Txorierriko zuzendaria; Xabier Ugarte, Politeknika Txorierriko ikasketa-burua; Ainhoa Saenz, Politeknika Txorierriko pedagogia-orientatzailea; eta Naia Corral, Politeknika Txorierriko ikasle ohia.
Beste alde batetik, Gazteria Txorierri programaren baitan ere Batxilergoko ikasleek aukera izan dute hainbat sektoretako langileekin elkartzeko eta euren esperientzia ezagutzeko. Horrezaz gainera, programa horri esker egun bateko jardunaldiak antolatzen dira ikasleek zenbait lanposturen zereginak zuzenean ezagutu ditzaten.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
