Asteburuan Inauteriak ospatu ditugu Txorierrin. Koloreak eta mozorroak nagusi izan dira herrietan, eta elkarteek eta udalek hainbat ekintza antolatu zituzten herritarrek ederto pasatzeko; herritarrek mozorroa jantzi dute jai-giroan murgiltzeko. Larrabetzun, esaterako, Maskarita Eguna ospatu zuten barikuan, eta, beste ekintza batzuen artean, Zamudion tostada- lehiaketa, “Zu izar” mozorro-lehiaketa eta Urrats taldeak girotutako erromeria izan zen zapatuan. Asteburu honetan, sondikoztarrek hartuko dute lekukoa.