Egitasmoa Non-League Day mugimendu sozial britainiarren egokitzapena da, eta Ingalaterran, Eskozian eta Galesen bezala, martxoaren 23an eta 24an ospatuko da, gizonezkoen Lehen Mailako jardunaldirik ez baitago. Partidak-eta etxeko futbol-taldearen zelaian egingo dira. Era berean, txartelak salgai ipiniko dira hiru euroan, eta erosten dituztenek hainbat zozketatan hartuko dute parte, hala nola bi lagunentzako egonaldia eta bidaia gizonezko lehen taldeak San Mamesetik kanpo jokatuko duen LaLigako partida batera, “Lions Experience” sarrera bikoitza, San Mameseko partida baterako sarrera bakoitzak eta kamisetak.
Euskal Non-League Day ospatuko da Txorierrin
Euskal Non-League Day da Euskal Herriko oinarrizko futbolaren urteko jaia eta Athletic Clubek antolatzen du Athletic Club Fundazioaren bitartez. Ekintzan Euskal Herriko osoko 80 taldek baino gehiagok eman dute izena eta haien artean Txorierriko taldeak ere badaude: Derio, Sondika, Uritarra eta Zamudio, hain zuzen ere. Egitasmoaren helburua da hitzartutako kluben gizarte- eta kirol-garrantzia nabarmentzea, eta horretarako sustatuko dira tokiko partiden ikusgarritasuna, aintzatespena, sariak eta futbol-zelaietara joatea.