“Amatasunaren inguruko hausnarketa bat kontatzeko musika, kantua eta dantza uztartzen duen ikuskizuna da. “(Ama) izan ala ez izan” erabakitik abiatuko da emanaldia, eta horrek amatasunaren esperientzia batzuk agertzeko bidea eskainiko digu, ezagutzen ditugun ereduen eta gustatuko litzaizkigukeen ereduen arteko joan-etorrian. Enpatia eta aitortza ariketa bat amatasun mota guztiekiko, eta hausnarketa bat gizartean figura horrek betetzen duen paperarekiko”, azaldu dute festibalaren webgunean.
`AMAraun´ ikuskizunerako sarrera bikoitza zozkatuko dugu
AMAraun bertsolaritza eta dantza uztartzen dituen ikuskizuna da eta martxoaren 20am, 19:30ean, izango da Campos antzokian, Loraldia festibalaren baitan. Aikor! aldizkariak ikuskizunerako sarrera bikoitza zozkatuko du irakurleen artean. Zozketan parte hartzeko, whatsappa bidali behar da 747 406 561 telefono-zenbakira, eta bertan “amaraun” hitza idatzi. Mezuak jasotzeko azken eguna martxoaren 18a da. Irabazlearekin martxoaren 19an ipiniko gara harremanetan.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).