Atzerapenarekin sartu da 23. KORRIKA Txorierrira, baina gogotsu eta zirraraz beteta. Tipi-tapa, euskararen lekukoa eskuz esku pasatu da Erandiogoikotik Larrabetzuraino, harro, eta bidean Sondika, Loiu, Derio, Zamudio eta Lezama zeharkatu ditu. Euskararen alde korrika egin dute umeek, gazteek eta helduek, baita enpresen, elkarteen eta erakundeen ordezkariek ere. Txorierrik euskaraz bizi nahi duela aldarrikatu du beste behin ere, harrotasunez.
KORRIKA pasatu da, baina datozen orduetan eta egunetan euskara ospatzen jarraituko dugu. Horrela, Lezaman, 17:30ean, Triskele taldeak musika-saioa egingo du Astorki plazan, eta ogitartekoak ere banatuko dira. Derioko Marikobaso Espazioan, bestalde, Magma Mia bakarrizketa aurkeztuko du, 19:30ean, Beatriz Egizabalek, eta arratsaldean ere umeentzako animazioa izango da Erdiko Kalean. Horrezaz gainera, Bizkarsoro filma ikusteko aukera egongo da bihar, martxoak 22, Hori Bai Larrabetzuko gaztetxean; horren ostean, solasaldia egingo da Izaskun Urkijo arte-zuzendariarekin.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).