Euskaltzaleen Topaguneak eta Berbots Erandioko euskara elkarteak egitarau zabala antolatu dute egun horretarako. Berbalagunei Merkatu Zaharrean egingo diete harrera 11:15ean, eta ongietorria, 11:30ean, Herriko Plazan. Azken horretan ere hamaiketakoa eskainiko da, eta ostean bi ekintza egongo dira aukeran: Altzagako Ibarrari bisita gidatua (1,7 km) ala mintzodromoa. Eskerrak emateko ekitaldiaren ondoren, autobusa hartuko dute berbalagunek eta Fano auzora abiatuko dira han Kanpomartxo jaia egitera. Bazkaldu ostean, erromeria egongo da 19:00ak arte Luhartz musika-taldeak girotuta. Hemen informazio gehiago eskuratu daiteke, besteak beste, prezioei eta menuei buruz.
Mintza Eguna apirilaren 28an izango da Erandion
Euskal Herriko berbalagunek eta mintzalagunek hitzordua dute apirilaren 28an Erandion, aurten Mintza Eguna bertan ospatuko da eta. Izena ematea apirilaren 21era arte egin daiteke www.mintzalaguna.eus webgunean. Nolanahi ere, Txorierriko Berbalagun egitasmora jo daiteke informazio gehiagorako: berbalagun.txorierri@gmail.com eta 747 447 579.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).