Euskadiko Autonomia Erkidegoan, EH Bilduk (Orain Errepublikak koalizioa) irabazi ditu hauteskundeak, botoen % 26,4 lortu du eta. Bigarren alderdia PSOE izan da (% 25,9); hirugarrena, EAJ (CEUS koalizioa) (% 22,4 ); laugarrena, PP (% 11,49); bosgarrena, Sumar (% 3,27); seigarrena, Podemos (% 3,27), eta zazpigarrena, VOX (% 2,68). Gainera, Se Acabó La Fiesta alderdi ultraeskuindar berriak botoen % 1,72 eskuratu du. Alderdi horrek 147 boto eskuratu ditu Txorierrin.
Alderdi jeltzaleak 3.518 boto jaso zituen atzo, ekainak 9, egin ziren Europako hauteskundeetan; 2019an baino 2.195 boto gutxiago. EH Bildu, bestalde, bigarren alderdia izan da: 2.738 boto; aurreko hauteskundeetan boto bat gehiago jaso zuen. Euskadiko Autonomia Erkidegoan gailendu diren gainerako alderdiei dagokienez, PSOEk 1.736 boto eskuratu ditu (1.349, 2019an); PPk, 677 (378, 2019an); Sumarrek, 216 (980, 2019an) VOXek, 198 (66, 2019an); eta Podemosek, 195 (980, 2019an).