Atxutegi eta Saratxu txorierritarrek Gazte Txapelketaren finala jokatuko dute domekan

Bidebieta Basauriko pilota-taldeak Gazte Txapelketa antolatu du 21. aldiz, eta finalak domekan, ekainak 16, jokatuko dira San Migel auzoko frontoian. Gazteen kategorian, txorierritar bi izango dira lehian: Xabier Atxutegi zamudioztarra eta Izei Saratxu larrabetzuarra; lehena Bidebieta taldeko pilotaria da, eta bigarrena, Lezamako Pilota Klubekoa. Atxutegik eta Saratxuk elkarrekin jokatu dute txapelketa, eta domekan Iurretako Liher Ortiz de Zarate eta Bidebietako Unai Gilen kontra ibiliko dira kantxan. Finalerdietan, 18 eta 8 irabazi zien Maren Apariziori eta Iñigo Bergantinosi.