Bizkerre eta Danok Bat, Txorierriko Cup-aren txapeldunak

Txorierriko futbol-selekzioa osatu da nesketan eta mutiletan, haurren mailan, eta taldeek debuta egiteko, Txorierriko Cup-aren lehen edizioa antolatu da lehen aldiz. Torneoan hiru taldek hartu zuten parte eta partidak Athleticeko futbol-instalazioetan jokatu ziren, Lezaman. Neskek ekainaren 20an jokatu zuten. Txorierriko selekzioa Bizkerre eta Betiko Neskak taldeekin ibili zen norgehiagoka, eta garaile Bizkerre taldea izan zen, txorierritarrei penaltietan irabazita. Mutilen txanda hurrengo egunean, ekainak 21, izan zen, eta Txorierriko jokalariak Danok Bat eta Leioa taldeen aurka ibili ziren zelaian. Txapelduna Danok Bat taldea izan zen, kasu honetan ere Txorierriko selekzioari penaltietan irabazita.