Lehiaketak kultura ekintzailea sustatzea du helburu, eta bertan Txorierrin bizi diren edo ikasten duten 16 urtetik 29 urtera bitarteko gazteek hartu dezakete parte. Parte-hartzaileek bideo bat egin beharko dute, euren enpresa-ideia aurkezteko. Izena ematea azaroaren 15era arte egongo da zabalik, eta 1.000 euro banatuko dira saritan: 500 euro, irabazlearentzat; 350 euro, bigarrenarentzat; eta 150 euro, hirugarrenarentzat. Sariak izango dira produktu elektronikoak erosteko diru-txartelak, eta urtarrilean banatuko dira Derioko Kultur Birikan. Informazio gehiagorako eta oinarriak kontsultatzeko, www.gazteria.eus.