Prestatzeko era:
Perretxikoak garbitu, zatitu, eta gordeko ditugu. Urdaiazpikoa dadotan ebakiko dugu eta bost minutuan frijituko dugu perretxikoen erdiarekin batera. Arroza gehitu, eta pare bat aldiz eragingo dugu. Ardo zuria bota, eta lurruntzen denean botako dugu litro bat ur. Beste aldetik, berakatzak gorrituko ditugu zartagin batean. Ondoren gehituko ditugu perretxikoen beste erdia, kipula eta perrexila. Sutan bost minutuan izango dugu, eta arrozari botako diogu, egosten amaitzeko. Bitartean, gazta xerratan ebaki, eta plantxan gorrituko dugu. Arroza eginda dagoenean, lau plateretan banatu, eta gainean gazta ipiniko dugu.