Txorierriko abesbatzak izan ziren Fair Saturday jaialdian

Hogei mila pertsonak baino gehiagok parte hartu dute Fair Saturday inguruan antolatzen diren ekintzetan. Egitasmoak kultura eta gizarte-egitasmoak uztartzen ditu, eta jaialdia biribiltzeko, kontzertu jendetsua egin zen Bizkaia Arenan. Agertokira igo ziren abeslarien eta abesbatzen artean egon ziren Zamudioko Kamara Korala eta Zoli abesbatza eta Larrabetzuko Musika Eskola eta Izar Argia abesbatza. Fair Saturday jaialdia 120 elkartek antolatzen dute, eta aurten dirua batu da gaixotasunei eta gizartetik kanpo egoteko arriskuan dauden taldeei lotutako egitasmoei laguntzeko.