SUKALDARITZA

Patata-tortilla txirlekin salsa berdean

Aikor aldizkaria 2025ko ots. 28a, 09:51

Freepik

Osagaiak:

  • Hiru patata ertain
  • 4 arrautza handi
  • 500 g txirla
  • Kipula bat
  • 2 berakatz-atal
  • Koilarakada bat irin
  • Koilarakada bat oregano siku
  • Koilarakada bat perrexil
  • ½ edalontzi ardo zuri
  • Salda edo ura 
  • Olioa
  • Gatza

 

Prestatzeko era:

Tortilla egiten hasi baino ordu bat lehenago, ura eta gatza botako ditugu katilu batera eta txirlak sartuko ditugu han, harea bota dezaten. Gero, txirlak egiteko, uretatik atera, eta berriro garbituko ditugu. Tortilla egiteko, patatak zurituko ditugu, eta zati txikietan moztu. Zartaginean olioa berotuko dugu, patatak gehitu, eta sua motelduko dugu. Bost minutuan egingo dugu, eta ondoren, gatza eta kipula botako ditugu. Bitartean, arrautzak eragingo ditugu eta gatz apur bat botako diegu. Patatak eginda daudenean, oliotatik atera, eta arrautza irabiatua gehituko diegu; eragin, eta 10 minutuan izango dugu jalkitzen. Beste aldetik, zartagin batera olio apur bat botako dugu, eta bero dagoenean, nahasia gehituko dugu. Sua moteldu, eta minutu batzuetan izango dugu egiten. Plater batek lagunduta, buelta emango diogu tortillari eta beste aldetik egingo dugu. Zartaginetik atera, eta jalkitzen utziko dugu saltsa egiten dugun bitartean.

Horretarako, berakatzak almaizean xehatuko ditugu. Oreganoa, perrexila eta ardo zuria gehituko ditugu. Kipula-zati bat txikitu, eta kazola batean frijituko dugu arin. Gorritzen denean, irina gehituko dugu eta txigortuko dugu. Beraka- tzekin eta ardoarekin egindako nahasia gehitu, eta ura botaz joango gara, harik eta saldak nahi dugun lodiera hartzen duen arte. Ondoren, txirlak gehituko ditugu, estalkia ipini, eta ireki arte egingo ditugu. Sua moteldu, eta txirlak kazolaren ertzetan ipiniko ditugu, eta tortilla, erdian. Bizpahiru minutuz egingo dugu su motelean. Nahi izanez gero, mahaira ateratzeko orduan, saltsa bota dezakegu tortilla gainetik.