Post_etorkizuna da Guggenheim Bilbao Museoarekin lankidetzan sortutako jarduera, TopARTE programaren esparruan. “Edorta Jimenezi eskatu diogu etorkizunari begira jartzea eta horren ondorioz narrazio original bat sortu du. Idazkia abiapuntua da ikuskizun hau ontzeko. Testu literarioarekin batera bi bertsolari, gai jartzaile bat (Amaia Agirre) eta musikari bat (Rafa Rueda) arituko dira eszenan. Etorkizunari buruzko narrazio labur hau kate begi bat da”, azaldu dute jaialdiaren arduradunek.
"Post_etorkizuna" ikuskizunerako sarrerak zozkatuko ditugu
Loraldia jaialdiaren baitan, Post_etorkizuna ikuskizuna izango da domekan, martxoak 16, 12:30ean, Guggenheim museoan. Aikor aldizkariak ikuskizunerako sarrera bikoitza zozkatuko du irakurleen artean. Zozketan parte hartzeko, whatsappa bidali behar da 747 406 561 telefono-zenbakira, eta bertan “post” hitza idatzi. Mezuak bidaltzeko azken eguna martxoaren 13 izango da eta irabazlearekin hurrengo egunean, martxoak 14, ipiniko gara harremanetan.