“Emakume bat burukoa jantzita eszenan dago. Haren bizi-zikloaren bidean duen karga emozionalari eta kulturalari erreparatzen dio. Sinbologiaz aldatzen joango da eta objektuek protagonismoa hartuko dute. Emakumea bertan jaioko da, babestuko da, eta bertatik isuriko ditu ahotsa, odola, izerdia eta bizia. Soinu-eremuan, ttun-ttuna edo xirula bezalako doinu tradizionalak soinu industrialekin uztartuko dira”.
ZOZKETA
‘Atxine’ dantza-ikuskizunerako sarrera bikoitza zozkatuko dugu
Loraldia jaialdiaren baitan, Atxine dantza-ikuskizuna aurkeztuko du Janire Etxabek martxoaren 18an, 19:30ean, Campos Eliseos antzokian. Aikor aldizkariak ikuskizunerako sarrera bikoitza zozkatuko du irakurleen artean. Zozketan parte hartzeko, whatsappa bidali behar da 747 406 561 telefono-zenbakira, eta bertan “atxine” hitza idatzi. Mezuak bidaltzeko azken eguna martxoaren 13 izango da eta irabazlearekin hurrengo egunean, martxoak 14, ipiniko gara harremanetan.