Derion, bestalde, izena emateko aukera egongo da 16:00etan, eskolan. Ondoren, 19:00etatik aurrera, ekintzak egingo dira Kaleartean. Talo- eta txapa-tailerrak izango dira, materiala ipiniko da salgai eta musika egongo da. Azkenik, bihar arratsaldean ere ekintzak egingo dira Zamudion. Kalejiran irtengo da Agirre Lehendakaria plazatik, eta 18:30ean Euskaraldia aurkeztuko da frontoian. Aurkezpenaren ostean, 19:00etan, Taulelak taldearen Euskaldungak antzezlana gozatu ahalko da.
Euskaraldiarekin hitzorduak
“Elkar mugituz egingo dugu” lelopean, maiatzaren 15etik 25era egingo da Euskaraldia, eta herriko batzordeak buru-belarri dabiltza lanean. Horrela, bihar, apirilak 4, ekintzak izango dira Lezaman, Derion eta Zamudion. Lezaman, esaterako, bi informazio-gune ipiniko dituzte, besteak beste, herritarrek izena eman dezaten eta materiala erosteko. Eskolan 16:00etan izango dira, eta 18:30ean, frontoiaren aurrean.