Herrietako datuei dagokienez, Larrabetzun 362 pertsonak eman dute izena aurtengo edizioan; 245ek, Derion; 220k, Sondikan; 174k, Zamudion; 171ek, Lezaman; eta 103k, Loiun. Horiek guztiek, belarriprest edo ahobizi izanda, ahalegina egingo dute, gutxienez aste eta erdian, lehen hitzak euskaraz egiteko, eta elkarrizketa elebidunak han eta hemen ugarituko dira. Txapa jantzita ibiliko dira 11 egunean, kalean, lanean eta aisialdian euskaraz erosoago aritzeko. Beste alde batetik, gogora ekarri behar da norbanakoez gainera, hainbat enpresak eta erakundek ere Euskaraldian parte hartzen dutela eta langileak animatzen dituztela euskaraz egitera.
Sondika
Zamudio
Derio
Larrabetzu
Lezama