Osagaiak (13 anoa):
39 sandwich-ogi xerra
52 g tomate
130 g errukula
78 g izokin ketu
8 arrautza
5,2 g gatz
Saltsa tartariarra egiteko:
0,52 l maionesa
2 arrautza egosi
7 g kapar ozpinetan
100 g kipula
40 g ozpin-pepino
10 g perrexila
10 g gatz
Prestatzeko era:
Lehenengo eta behin, saltsa tartariarra egingo dugu. Horretarako, osagaiak txikitu, eta nahasiko ditugu. Bestalde, arrautzak egosiko ditugu, oskola kendu, eta gordeko ditugu. Tomatea xerra mehetan moztuko dugu. Beste alde batetik, ogi-xerra baten gainean saltsa tartariar apur bat igurtziko dugu. Horren gainean, tomate-xerra batzuk ipiniko ditugu, errukula eta beste ogi-xerra bat. Horren gainean saltsa tartariar igur- tziko dugu, izokin ketua ipiniko dugu, eta, azkenik, beste ogi-xerra bat. Arrautza egosiak birrinduko ditugu, eta sandwich gainetik botako dugu. Ogiaren azala moztuko dugu, eta sandwicha erditik moztuko dugu.