Bitartean Programarentzat zaila da halako proposamen bati uko egitea, eta, horregatik, berehala hasi ginen lanean, erakusketa- edo informazio-stand bat prestatzeko, guri buruz gehiago jakin nahi zuen edonor hurbildu ahal izateko. Stand horretan ipini genituen gure lana zein den eta non gauden azaltzen duten panfletoak, gure ekimen nagusiak jasotzen dituzten aldizkariak, informazio korporatiboa eta gure egunerokotasunaren une garran- tzitsuak batzen dituen argazki-bilduma.
Standa muntatuta, izugarri poztu gintuen inguruan herritarrak, elkarteak, udalerriko eragileak, artisauak… ikusteak, eta, gainera, berretsi genuen hurrengo ideia hau: garrantzi-garrantzitsua da lan egiten dugun kolektiboa –hau da, gizartetik kanpo dauden pertsonak– eguneroko bizitza duten inguruan nahastea. Gainera, aurpegi batzuk aurretik ezagutzen genituen, haiekin batera hainbat proiektutan ibiliak garelako, eta hori ere oso ederra izan zen. Horien artean egon ziren Marikobaso Espazioa, Gure Señeak elkartea, Tximintx hizkuntza komunitatea eta Haszten elkartea.
Horrela, aurreko lerroetan esandakoa azpimarratzeaz gainera, PAI Bitartean programaren ordezkariok leku hau baliatu nahi dugu jai-batzordeari gonbidapenagatik eskerrak emateko. Era berean, adierazi nahi dugu Derioko hainbat aliaturekin atsegin handiz partekatzen ditugula gune komunak. Izan ere, modu honetan komunitatearen parte direla sentiarazten diegu gizartetik kanpo dauden pertsonei.