Laguntza hauek hesi eramangarrien erosketa, artzain elektrikoak eta mastin txakurren elikadura-gastuak finantzatuko dituzte. Eskaera egiteko epea Bizkaiko Aldizkari Ofizialean (BAO) argitaratu eta hurrengo egunetik aurrera 15 egun baliodunekoa izango da, eta diruz lagundutako inbertsioak eskaera egiten den egunetik 2025eko urriaren 15era arte egin ahal izango dira.
Honen bidez Aldundiak dio ustiategiei neurriak “erraztu” nahi zaizkiela, erasoei “aurrea hartzeko” eta euren jarduera lurraldean basafauna egotearekin “bateragarri” egiteko. Informazio gehiago jaso nahi edota zalantzak izatekotan, servicio.ganaderia@bizkaia.eus helbide elektronikora idatzi ahalko da.