Osagaiak (bost lagunentzat):
- 600 g bakailao-solomo
- 150 g patata
- 200 ml oliba-olioa
- 1 g gatz fina
- 150 ml piper berdearen krema
- 250 ml gazpatxo saltsa
- 125 ml oliba olio birjina estra (frijitzeko)
Prestatzeko era:
Bakailoa filmarekin bildu eta hutsean ontziratu. Behin hori eginda, sartu 90ºC-tara dagoen ur beroan 4 minutuz. Utzi epeltzen eta xaflak atera, erdi eginda geratuz. Hauek kontserbatzeko, gehitu bakailaoak bota duen ura olio apur batekin. Patatak prestatzeko, moztu 3 mm-ko xafletan eta frijitu oliba olio arinean, lodi eta gorrizkoak egon arte. Sazona itzazu gatz eta piperbeltzarekin frijitu ondoren. Platera muntatzeko, jarri patata zati bat oinarri moduan molde batean. Goi gainetik, jarri bakailao xafla batzuk. Ondoren, gehitu piperrada eta piper berdearen krema piperradaren ostean. Prozesua errepikatzen joan, patata, bakailao, piperrada eta krema geruzak alternatuz, pastel forma izan arte. Freskotasuna eta irudi koloretsu bat emateko, apailatu platera, aukeran, barazki freskoekin egindako bouquet bat. Azkenik, jarri gazpatxo sal-tsa pastelaren inguruan.
Piper berdearen kremarako
- 250 g piper berde
- 75 ml ur
- 25 ml oliba olio arina
- 3 g gatz fina
- 5 ml ozpina
Prestatzeko era:
Nahas ezazu piper berdeak, ura, olioa, gatz fina eta ozpina. Eta behin horiek nahastuta, krema baten moduan birrindu.
Piperrada egiteko
- 500 g piperrak (gorria, berdea)
- 125 ml oliba olio birjina estra
- 1 adar baratxuri
- 200 g tipula
- 2 g gatz fina
- 100 ml tomate saltsa
Prestatzeko era:
Moztu piperrak tiratan eta tipula eta baratxuria txikitu. Janaria frijitzeko zartagin batean, frijitu tipula eta baratxuria oliba olioarekin, hauek bigundu arte. Behin bigunduta, gehitu piperrak eta tomate saltsa. Erdi egosita dauden arte utzi, eta azukrearekin zaporea egokitu.