‘UE-Mercosur stop! Elikadura ez da merkantzia’ lelopean osatuko dute mobilizazioa. Bizkaiko hainbat lekutatik abiatuko dira, Bilboko San Mames zelaiaren aurreko zabalgunean elkartzeko. Handik elkarrekin abiatuko dira Arriaga antzokiko plazara.
Nekazaritzako bi sindikatuek "pozik" hartu dute Europako Parlamentuaren erabakia, Europar Batasuneko (EB) Justizia Auzitegiari irizpena eskatzekoa, EB-Mercosur Elkartze Akordioaren eta Behin-behineko Merkataritza Akordioaren eta EBko Tratatuen arteko bateragarritasunari buruz.
Mobilizazioa
Traktoreak 10:00ak aldera iritsiko dira San Mameseko zabalgunera, Ibarsusi, Elorrieta eta Zorrotzako hiru zutabetan sartuta. Goizeko 11:00etatik aurrera, Arriaga antzokirantz abiatuko dira, Bilboko kale nagusiak zeharkatuz. Sindikatuek dei egiten diete herritarrei, traktoreen ibilbidean nekazaritza-sektoreari babesa eta elkartasuna erakusteko.