AEKk ‘12. eguna: eta izango gara!’ izeneko ekimena iragarri zuen Korrikaren osteko balorazioan. Horren baitan, bi ekintza burutu ditu. Batetik, doako lehen klasea eskaini zuten. Eta orain, bestetik, mintzodromoak antolatu dituzte, Praktitatu-AEKren eskutik.
“Maiatzaren 21ean inoiz baino euskara gehiago entzutea” nahi du AEKk; hori dela-eta, 65 mintzodromo antolatu ditu, Euskal Herriaren luze-zabalean. Maiatzaren 21ean, Elkarrizketa eta Garapenerako Kultur Aniztasunaren Nazioarteko Egunean, AEKren Praktikatu zerbitzuak aldarrikapen bat egin nahi du: “Oraindik ere euskaraz espazioak behar direla euskaraz praktikatzeko eta bizitzeko, eta mintzapraktika-egitasmoetan parte hartzea horretarako abagunea dela”.