“Hiru lagunek pisua partekatzen dute Bilboko Alde Zaharrean. Unibertsitatea amaitzeko lau hilabete falta direla, ezusteko albiste bat jasoko dute: etxeko jabea hil egin da, eta haren semeak hilabete eman die alde egiteko”. Horrela laburbildu dute telesailaren muina. Hau da, aktualitateko gai bati umorez heldu diote sortzaileek.
Hain zuzen ere, epe motzerako beste etxebizitza bat alokatzeko aukerarik gabe, “egoerari etekina ateratzea erabakiko dute, eta hiru negozio klandestino sortuko dituzte etxe barruan”. Egoera zentzugabeak, kritika soziala eta adiskidetasun harremanei buruzko begirada hurbila uztartzen ditu telesailak.