Zamudioko Udalak gastronomiari buruzko ikastaroak egingo ditu maiatzetik urriaren bitartean. Ikastaroek bi orduko iraupena izango dute eta adituek emango dituzte. Guztiak Larragoiti txokoan –irteera izan ezik- egingo dira 19:00etatik 21:00etara.
Maiatzaren 22an, barikuz, ogia egiten ikasteko ikastaroa izango da, eta ekainaren 21ean, zapatuaz Jose Etxebarriaren eskutik bisita gidatua egingo dute fruta-arbolak ezagutzeko.
Talo ikastaroa eta odoloste ikastaroa irailaren 25ean eta urriaren 23an izango dira, hurrenez hurren. Informazio gehiago, udaletxean.